М. Ғабдуллин атындағы орта мектепте «Тәтті тағамдар» атты қайырымдылық жәрмеңкесі ұйымдастырылды. Аталған іс-шараға 8 а және 8 ә сынып оқушылары белсене қатысып, өзара атсалысты. Оқушылар үй жағдайында өз қолдарымен дайындап әкелген түрлі тәтті тағамдарын жәрмеңкеге ұсынып, сатып отырды.
Жәрмеңкенің негізгі мақсаты – оқушыларды қайырымдылыққа баулу, бірлік пен ынтымақтастықты нығайту, сондай-ақ олардың шығармашылық қабілеттерін дамыту болды. Іс-шара барысында мектеп ұжымы мен оқушылар көтеріңкі көңіл-күйде болып, игі іске үлес қосты. Жиналған қаражат қайырымдылық мақсаттарына жұмсалатын болады.
Әлеуметтік педагог Әутен Назерке