Жамбыл облысы әкімдігінің білім басқармасы Шу ауданының білім бөлімінің
«Мәлік Ғабдуллин атындағы орта мектебі» КММ
МЕНЮ
Қызметі
ҚР Мемлекеттік рәміздері
Мектеп директоры
Абдикеримов Елдар Маликханович
Бұл жолы Мәлік Ғабдуллин атындағы орта мектебіне арнайы барып, әдістемелік кабинеттің әдіскерлері мұғалімдермен кіріктірілген сабақтар, сынып сағаты, шебер сағаттар өткізіп, тәжірибе алмасты.
Өз кезегінде бөлім басшысы мектеп ұжымымен кездесіп, педагогтердің біліктілік санаттарына қойылатын талаптардың орындалуына, ҰБТ көрсеткішін көтеруге, білім сапасын арттыруға, облыстық, республикалық олимпиадалардың жүлдегерлерін дайындауға бағытталған қадамдық әрекеттерді егжей-тегжейлі түсіндірді.
Бұған қоса Жайдар Саттарқұлұлы оқушылармен кездесіп, әртүрлі сұрақтар қою арқылы білімін тексеріп, белгілі ақын-жазушылардың шығармашылығын қаншалықты деңгейде білетіндігіне көңіл аударды.
«ҚАУІПСІЗ ИНТЕРНЕТ-САНАЛЫ ҰРПАҚ КЕПІЛІ!»
Мәлік Ғабдуллин атындағы орта мектебінде 10 ақпан – Халықаралық интернет күніне орай бірқатар іс-шаралар өткізілді.
Тәрбие сағаттарының тақырыбы:«Қауіпсіз интернет – жарқын болашақ кепілі»
Пікірсайыс тақырыбы:«Интернет: мүмкіндік пе, әлде қауіп пе?»
Ашық жиын тақырыбы:«Цифрлық сауаттылық – заман талабы»
Іс-шараның мақсаты:– Оқушылардың интернеттегі қауіпсіздік мәдениетін қалыптастыру;
– Кибербуллингтің, интернет алаяқтықтың алдын алу;
– Жеке деректерді қорғау туралы түсінік беру;
– Саналы әрі тиімді интернет қолдануды насихаттау;
– Жасөспірімдердің цифрлық сауаттылығын арттыру.
Шара барысында оқушылар өз ойларын ортаға салып, интернеттің пайдалы және зиянды тұстарын талқылады. Сонымен қатар, қауіпсіздік ережелері түсіндіріліп, нақты өмірлік мысалдар келтірілді.
Қауіпсіз интернет – әр оқушының саналы таңдауынан басталады!
Мәлік Ғабдуллин атындағы орта мектебінде ата-аналарды педагогикалық қолдау бағдарламасын іске асыру мақсатында 7-сынып жетекшілері А.Арғынбаева мен А.Дуйсенбиеваның ұйымдастыруымен «Жасөспірімдерді зорлық-зомбылықтан қорғаудың негізі – сенім мен жеке шекараға құрмет» тақырыбында ата-аналармен сабақ өткізді.
Сабақ барысында ата-аналармен жасөспірімдерге қауіпсіз орта қалыптастыру, бала мен ата-ана арасындағы сенімді қарым-қатынастың маңызы, жеке шекараны құрметтеу және зорлық-зомбылықтың алдын алу жолдары кеңінен талқыланды.
Осындай кездесулер бала қауіпсіздігін қамтамасыз етуде ата-ана мен мектептің бірлескен жұмысының маңызын арттыра түсетіні сөзсіз.
Мәлік Ғабдуллин атындағы орта мектебінде Кеңес әскерінің Ауғанстан жерінен шығарылғанына 37 жыл толуына орай «Жас сарбаз» әскери-патриоттық қозғалыс мүшелері арасында сайыс өтті.
Іс-шараның мақсаты – оқушылардың бойында отансүйгіштік рухты қалыптастыру, әскери-патриоттық тәрбие беру, ерлік пен батырлықты дәріптеу, Ауған соғысы ардагерлерінің ерлігін құрметтеу, жастарды ел қорғауға дайын, тәртіпті әрі жауапты азамат етіп тәрбиелеу.
Сайыс барысында жас сарбаздар өздерінің шеберлігін, ұйымшылдығын және әскери дайындықтарын көрсетті.
© 2026 Жамбыл облысы әкімдігінің білім басқармасы Шу ауданының білім бөлімінің «Мәлік Ғабдуллин атындағы орта мектебі» КММ