Бастауыш сынып оқушыларына «Жапсырмаға 5 секунд назар аударсаң – денсаулығыңды сақтайсың» тақырыбында танымдық бейнеролик көрсетілді.
Бейнероликтің негізгі мақсаты – оқушыларға күнделікті тұтынатын тағамдар мен сусындардың қаптамасындағы (жапсырмасындағы) ақпаратқа назар аударудың маңыздылығын түсіндіру. Ролик барысында өнімнің жарамдылық мерзімі, құрамы, қант пен тұз мөлшері, зиянды қоспалар туралы мәліметтерді небәрі 5 секунд ішінде оқып үлгеруге болатыны қарапайым әрі түсінікті тілмен баяндалды.
Оқушылар бейнероликпен танысқан соң, өз ойларын ортаға салды, сұрақтарға жауап берді. Бейнеролик балалардың қызығушылығын арттырып, олардың денсаулығына жауапкершілікпен қарауына оң әсерін тигізді.
Әлеуметтік педагог: Әутен Назерке