Мәлік Ғабдуллин атындағы мектеп кітапханасы, батыр, жазушы, әдебиет зерттеушісі, академик Мәлік Ғабдуллиннің 110 жылдығына орай мектеп көрермен залында “Ер есімі – Ел есінде” атты кітап көрмесін ұйымдастырды. Көрме 5-9 сынып оқушыларына арналды.
Көрменің мақсаты – жас ұрпаққа Мәлік Ғабдуллиннің ерлік жолы мен өмірі туралы мағлұмат беру, оның отансүйгіштік, батырлық, адамгершілік қасиеттерін насихаттау, оқушылардың бойына елге деген құрмет сезімін ұялату.
Көрмеге батырдың өмірі мен шығармашылығын насихаттайтын 11 томнан тұратын еңбектер жинағы, “Менің майдандас достарым”, “Қазақ халқының ауыз әдебиеті” секілді кітаптары, сондай-ақ батырға арналған естеліктер мен деректі материалдар қойылды.
Шара барысында кітапханашы оқушыларға көрме материалдарын таныстырып, батырдың өмірі жайлы қысқаша мәлімет берді. 5-9 сынып оқушылары өздері дайындаған өлең шумақтарын оқып, арнау сөздерін айтты. Іс-шара соңында “Ер есімі – ел есінде” деген қанатты сөздің мәніне тоқталып, Мәлік Ғабдуллиннің ұлт тарихындағы орны ерекше екені түсіндірілді.
