Жамбыл облысы әкімдігінің білім басқармасы Шу ауданының білім бөлімінің
«Мәлік Ғабдуллин атындағы орта мектебі» КММ

МЕНЮ

Биылғы 2025-2026 оқу жылының басталуымен қатар, мектебімізде балаларды бір мезгіл тегін тамақтандыру жұмыстарыда ұйымдастырылып, жүргізіліп келеді. Аталған жұмыстың сапалы жүргізілуін бақылау мақсатында брокераждық комиссия құрылды.

Комиссия құрамы өз қызметінде тамақ өнімдері мен азық-түлік шикізатын қабылдау деректерінің, тез бұзылатын тамақ өнімдері мен жартылай фабрикаттардың брокераж журналына олардың сапасы мен қауіпсіздігін растайтын құжаттар негізінде жүзеге асырылып, енгізілуіне бақылау жүргізеді.

Сондай-ақ асхана тазалығы, ондағы ылғалды жинау, тамақтану процесінің алдын ала бекітілген ас мәзіріне сәйкес жүргізілуін қадағалап отырады.

Мектеп оқушыларының сапалы тамақтандырылуы қатаң бақылауда.

Мәлік Ғабдуллин орта мектебінің әлеуметтік педагогы Н.Әутен 10–11 сынып оқушылары арасында «Мен және менің құқықтарым» тақырыбында сауалнама жүргізді. Сауалнаманың негізгі мақсаты – оқушылардың өз құқықтары мен міндеттері туралы түсінік деңгейін анықтау, құқықтық сауаттылығын арттыру және мектепте құқықтық мәдениетті нығайту болды. Сауалнама барысында оқушыларға адам және бала құқықтары жөніндегі негізгі түсініктер, Қазақстан Республикасының Конституциясында және «Бала құқықтары туралы» Конвенцияда көрсетілген құқықтар туралы сұрақтар қойылды. Сонымен қатар оқушылардың құқықтық мәселелерге деген көзқарасы, өз құқықтарын қорғау жолдары туралы өз ой-пікірлерін жазды.

Мәлік Ғабдуллин атындағы орта мектебінде 3-4 сынып оқушыларынан “Ас -адамның арқауы”тақырыбында сауалнама алынды.

Сауалнаманың мақсаты – оқушылардың дұрыс тамақтану, ұлттық тағамдардың маңызын түсіну және салауатты өмір салты туралы білімдері мен көзқарастарын анықтау.

Зерттеу барысында оқушылардың тамақтану әдеттері, тәуліктік ас мәзірі, және тамақтану процесі туралы қандай маманнан кеңес сұрау керектігі,тәулігіне неше рет тамақтану туралы және санитарлық-гигиеналық нормаға сай болу туралы түсініктері қарастырылды. Алынған мәліметтер оқушылардың жас ерекшеліктеріне қарай тағам мәдениетіне деген қызығушылығы мен түсінігін бағалауға мүмкіндік береді.

Әлеуметтік педагог: Н.Әутен

Мәлік Ғабдуллин атындағы орта мектеп асханасында ата-аналарға арналған «Ашық есік күні» ұйымдастырылды. Іс-шараның мақсаты — асхананың жұмысымен, санитарлық-гигиеналық талаптардың сақталуымен және оқушыларға ұсынылатын тағамдардың сапасымен ата-аналарды таныстыру.

Ата-аналар асхананың күнделікті жұмыс барысын бақылады. Сонымен қатар, жеткізілген азық-түліктің сапасын, құжаттарын және қабылдау тәртібін көріп, қабылдау актісінің жүргізілуіне куә болды.

Ата-аналар комитетінің мүшесі А.Сарсенбекова және ата-ана Д.Назарова ас мәзірімен, тағам түрлерімен және асхана қызметкерлерінің жұмыс жүйесімен жан-жақты танысып, өз сұрақтарын қойып, пікірлерін білдірді.

#АшықЕсікКүні