Мәлік Ғабдуллин атындағы орта мектебінде "Баланың қауіпсіздігі бәрінен маңызды" жалпы ата-аналар жиналысы өтті. Жиналыс барысында балалардың қауіпсіздігін қамтамасыз ету, олардың құқықтары мен амандығын сақтау мәселелері кеңінен талқыланды.
Іс-шараға мектеп директоры Абдикеримов Елдар Маликханович, ауыл әкімі Сандыбаев Данияр Көкталұлы және полиция қызметкерінің өкілі Омарбаев Нұрсұлтан Еркінұлы қатысып, маңызды баяндамалар жасады. Олар ата-аналармен бірге қауіпсіздік шараларын күшейту, мектеп пен үй арасындағы жауапкершілікті бөлісу, балалардың тәртібі мен жол қозғалысы ережелерін сақтау мәселелерін сөз етті.
Жиналыс өте пайдалы әрі мазмұнды өтті. Балаларымыздың болашағы мен амандығы – ортақ міндетіміз. Бірігіп әрекет еткенде ғана қауіпсіз орта қалыптастыра аламыз!
