«Тәуелсіздік деп соғады жүрегіміз» сынып сағаты Қазақстан Республикасының Тәуелсіздік күніне орай мектебімізде «Тәуелсіздік деп соғады жүрегіміз» тақырыбында сынып сағаты өткізілді.
Сынып сағаты барысында оқушылар еліміздің тәуелсіздік жолындағы тарихи кезеңдерімен танысып, ел үшін жанын қиған батырлар мен желтоқсан қаһармандарына тағзым жасады. Тәуелсіздіктің қадірі мен мәні, ел бірлігі мен отансүйгіштік туралы ой қозғап, патриоттық өлеңдер оқылып, тәрбиелік мәні зор пікір алмасулар жүргізілді.
Шараның мақсаты – жас ұрпақтың бойына отансүйгіштік рухты сіңіру, тәуелсіз елдің болашағына жауапкершілікпен қарауға тәрбиелеу.
Тәуелсіздік – тұғырымыз, елдігіміздің ең басты құндылығы!
